ზესტაფონის მერიის და ადგილობრივი ახალგაზრდების ერთობლივი ინიციატივით, სოფელ დილიკაურში საცხენოსნო შეჯიბრი გაიმართა

სპორტულ ასპარეზობაში ადგილობრივ მონაწილეებთან ერთად სხვა მუნიციპალიტეტის წარმომადგენლებიც მონაწილეობდნენ.

ღონისძიების დასასრულს საპრიზო ადგილზე გასულ ახალგაზრდებს მერიის მიერ დაწესებული ფულადი ჯილდო, თასები და მედლები მუნიციპალიტეტის მერმა ვახტანგ ღამბაშიძემ და საკრებულოს თავმჯდომარემ მალხაზ შერგელაშვილმა გადასცეს.

გამარჯვებულებს, ასევე, სოფლის მაჟორიტარი დეპუტატის, ნაილი ეჯიბაძის მიერ დაწესებული დამატებითი ფულადი პრიზები გადაეცათ.

საცხენოსნო შეჯიბრს ზესტაფონში სტუმრად მყოფი ლიეტუვის, ქალაქ ტაურაგეს დელეგაციის წევრებიც ესწრებოდნენ.