ზესტაფონის მუნიციპალიტეტის მერია გრიშაშვილის ქუჩაზე ახალ რეკრეაციულ სივრცეს აწყობს

ახალ სკვერში პროექტის მიხედვით, საბავშვო გასართობი სივრცე მოეწყობა, განთავსდება სკვერისთვის საჭირო ინფრასტრუქტურა. ჩატარდება გამწვანების სამუშაოები.

მიმდინარე სამუშაოებს ზესტაფონის მერი, ვახტანგ ღამბაშიძე, მოადგილე, ზაზა ხვედელიძესთან, საკრებულოს თავმჯდომარე, მალხაზ შერგელაშვილთან და თავმჯდომარის მოადგილეებთან, გიორგი კაკოიშვილთან და ირმა გიორგაძესთან ერთად გაეცნო.

აჯამურის დასახლებაში, რეკრეაციული სივრცის მოწყობა რეგიონული განვითარების ფონდის ფინანსური მხარდაჭერით ხორციელდება. პროექტის ღირებულება 108 250 ლარია.