ზესტაფონის მუნიციპალიტეტის მერიის და ,,ქართული ლიგის" გუნდის ორგანიზებით, კულტურისა და შემოქმედების ცენტრში, მხიარულთა და საზრიანთა გუნდებს შორის ჩემპიონატი ჩატარდა.

ღონისძიება ზესტაფონის N მე-4 საჯარო სკოლის მიერ ინიცირებული პროექტის - "მხიარულთა და საზრიანთა კლუბი, კრეატიული ახალგაზრდებისთვის" ფარგლებში გაიმართა და მასში მონაწილეობას მუნიციპალიტეტის 8 სკოლა იღებდა.

ჩემპიონატის გამარჯვებული მეორე სვირის N 1 საჯარო სკოლის გუნდი გახდა.

მეორე და მესამე ადგილები სოფელ არგვეთის და სოფელ პირველი სვირის გუნდებმა გადაინაწილეს.

ღონისძიებას მუნიციპალიტეტის მერიისა და საკრებულოს წარმომადგენლები ესწრებოდნენ.