"ზესტაფონობა 2024" - ის საიუბილეო კვირეული გაიხსნა

"ზესტაფონქალაქობის" საიუბილეო დღეების ფარგლებში გალერეაში სამხატვრო სკოლის მოსწავლეთა ნახატების გამოფენა მოეწყო. ექსპოზიციაზე 100 - ზე მეტი მოსწავლის გრაფიკული და ფერწერული ნამუშევრები იყო წარმოდგენილი. გამოფენა გალერეაში მთელი კვირის მანძილზე გაგრძელდება.

ქალაქის საიუბილეო კვირეულში ზესტაფონის სამუსიკო სკოლებიც ჩაერთნენ. ერთობლივი საკონცერტო პროგრამით საზოგადოების წინაშე რევაზ ლაღიძისა და ელდარ შალამბერიძის სამუსიკო სკოლები წარსდგნენ. საკონცერტო პროგრამა ქართველი და უცხოელი კომპოზიტორების კლასიკურ ნაწარმოებებს და სიმღერებს აერთიანებდა.

საიუბილეო დღეებისადმი მიძღვნილ ღონისძიებებს ხვალ, 3 ოქტომბერს 14 : 00 სთ - ზე ცხრაწყაროს თეატრონზე მუნიციპალიტეტის საბავშვო ვოკალური ანსამბლები და ინდივიდუალური შემსრულებლები შეუერთდებიან.
მხარეთმცოდნეობის მუზუუმში 16 : 30 სთ - ზე კვირეულის ფარგლებში გია აბესაძის ხსოვნის საღამო გაიმართება.