სოფელ ვაჭევში ცენტრალურ მაგისტრალთან დამაკავშირებელი გზის რეაბილიტაცია მიმდინარეობს

რეგიონული განვითარების ფონდისა და მუნიციპალიტეტის თანადაფინანსებით, სოფელ ვაჭევში საუბნო გზის მოწყობა მიმდინარეობს.

 ინფრასტრუქტურული პროექტის მონიტორინგი ზესტაფონის მერმა, ვასილ გველესიანმა, საკრებულოს თავმჯდომარე, ვახტანგ ღამბაშიძესა და შესაბამისი სამსახურების წარმომადგენლებთან ერთად განახორციელა.

 რეაბილიტაციის ფარგლებში, გზის ზედაპირზე არმირებული ბეტონის საფარი ეწყობა. პროექტის ღირებულება 396 045 ლარია. გზის სარეკონსტრუქციო სამუშაოები 2 კმ - მდე მონაკვეთს უტარდება. სატენდერო ვალდებულებით გზის აღდგენას შპს "სანდრო" ახორციელებს.