კულტურისა და შემოქმედების ცენტრში ქალთა საერთაშორისო დღისადმი მიძღვნილი ღონისძიება ჩატარდა

ქალთა დღესასწაულებისადმი მიძღვნილი საკონცერტო პროგრამა ცენტრთან არსებულმა სიმღერისა და ცეკვის ანსამბლმა წარმოადგინა. ღონისძიებას ზესტაფონის მერის მოადგილე, გიორგი ჯუღელი ესწრებოდა. მან ქალბატონებს გაზაფხულის დღესასწაულები მიულოცა და წარმატებები უსურვა პირად და საზოგადოებრივ ცხოვრებაში.

ღონისძიების დასრულების შემდეგ, დარბაზში მყოფ ყველა ქალბატონს, მუნიციპალიტეტის მერიის სახელით საჩუქრად ყვავილების თაიგულები დაურიგდათ.