ზესტაფონში, სოფელ განთიადში საუბნო გზის 4 კმ - იანი მონაკვეთის რეაბილიტაცია დაიწყო

სოფელ განთიადში საგზაო ინფრასტრუქტურული პროექტის განხორციელება მიმდინარეობს. დასახლებაში მსგავსი მასშტაბით, გზის მოწყობის სამუშაოები პირველად ხორციელდება.

   გზის სარეაბილიტაციო სამუშაოები მუნიციპალიტეტის მერმა, ვასილ გველესიანმა, საკრებულოს თავმჯდომარესთან, ვახტანგ ღამბაშიძესთან ერთად დაათვალიერა.

 პროექტი რეგიონული განვითარების ფონდისა და მუნიციპალიტეტის თანადაფინანსებით ხორციელდება. გზის კეთილმოწყობაზე 697 358 ლარი დაიხარჯება. სარეკონსტრუქციო სამუშაოებს სატენდერო ვალდებულებით შპს "ალპედე" ასრულებს.